დაბრუნების პოლიტიკა

რა არის ავანსი

ზოგიერთი სერვისის ონლაინ ჩაწერისას შესაძლებელია ავანსის გადახდა. ავანსი ჯავშნის დადასტურებას ემსახურება და სრულად ჩაითვლება ვიზიტის ღირებულებაში. დარჩენილ თანხას კლინიკაში, ვიზიტის დღეს იხდით.

ვიზიტის გაუქმება

ვიზიტის გაუქმების ან მასზე გამოუცხადებლობის შემთხვევაში ავანსი არ ბრუნდება. სანაცვლოდ შეგიძლიათ ვიზიტი სხვა დროზე გადაიტანოთ, ქვემოთ მოცემული პირობებით.

ვიზიტის გადატანა

ვიზიტის გადატანა ავანსის შენარჩუნებით შესაძლებელია, თუ:

• გვაცნობებთ ვიზიტამდე არანაკლებ 24 საათით ადრე;
• ახალი თარიღი არის თავდაპირველი ვიზიტიდან 30 დღის განმავლობაში;
• ვიზიტს პირველად გადაიტანთ (გადატანა ერთხელ არის შესაძლებელი).

გადახდილი ავანსი ავტომატურად გადადის ახალ ვიზიტზე.

როდის ბრუნდება ავანსი სრულად

ზემოთ აღნიშნული პირობების მიუხედავად, ავანსს სრულად დაგიბრუნებთ, თუ:

• ვიზიტს კლინიკა აუქმებს ან ვერ გიწევთ შეთანხმებულ მომსახურებას;
• თანხა ჩამოგეჭრათ ორჯერ ან შეცდომით;
• გადახდა შესრულდა, მაგრამ ჯავშნის დადასტურება ვერ მოხერხდა.

როგორ ხდება თანხის დაბრუნება

თანხა ბრუნდება იმავე ბარათზე, რომლითაც გადაიხადეთ, საქართველოს ბანკის მეშვეობით. ანგარიშზე ასახვის ვადას ბანკი განსაზღვრავს და, როგორც წესი, რამდენიმე სამუშაო დღეს შეადგენს.

როგორ მოვითხოვოთ გადატანა ან დაბრუნება

დაგვიკავშირდით საკონტაქტო გვერდზე მითითებულ ტელეფონზე ან ელფოსტაზე. მიუთითეთ სახელი, გვარი, ტელეფონის ნომერი და ვიზიტის თარიღი, რათა ჯავშანი სწრაფად მოვძებნოთ.